ކިޔަވައިދިނުމުގައި ގެންގުޅޭނެ ފަލްސަފާ

ކޮންމެ މުދައްރިސަކުވެސް އެންމެ ބޮޑަށް އެދޭނެ އެއްކަމަކީ އެ މުދައްރިސަކީ ކާމިޔާބު މުދައްރިސަކަށް ވުމަށެވެ. އެހެންކަމުން ކާމިޔާބު މުދައްރިސަކަށް ވުމަށްޓަކައި ވަރަށް ގިނަގުނަ މަސައްކަތްތަކެއް ކުރަން ޖެހެއެވެ. އެގޮތުން ކޮންމެ މުދައްރިސަކުވެސް އެންމެ ބޮޑު އެއްބޭނުމަކަށް ވެފައިވާނީ އެ މުދައްރިސް ކިޔަވައިދޭ ދަރިވަރުންނަކީ މުޖުތަމަޢަށް ފައިދާ ކުރަނިވި ބަޔަކަށް ހެދުމަށެވެ. މުދައްރިސުންގެ މި އުއްމީދުތައް ފުރިހަމަކޮށް ކާމިޔާބު ކުރުމަށްޓަކައި މި ދާއިރާގެ ތަފާތު ތިއަރިސްޓުން ބުނެފައިވާ ކަންތައްތަކަށް އަލިއަޅުވައިލައިގެން ކިޔަވައި ދިނުމަކީ ނުހަނު ބޭނުންތެރި ކަމެކެވެ. އެ ގޮތުން އެންމެ ފުރަތަމަ އަލިއަޅުވާލަން ގަސްތުކުރަނީ ބިހޭވިއަރ ލާރަނިން ތިޔަރީއަށެވެ. މި ތިޔަރީގެ ބޭފުޅުން ޤަބޫލުކުރާ ގޮތުގައި ކުއްޖާއަށް ޢިލްމެއް ލިބިފައިވާ ކަމަށް ޤަބޫލުކުރެވޭނީ އެކުއްޖެއްގެ ޢަމަލުން އެކަން ފެންނަކަމުގައި ވާނަމައެވެ. ނޫންނަމަ އެކުއްޖާއަށް ޢިލްމެއް ލިބިފައިވާ ކަމަކަށް ޤަބޫލެއް ނުކުރެވޭނެއެވެ. މި ތިޔަރީގެ ބޭފުޅުން ޤަބޫލުކުރަނީ މިސާލަކަށް މުދައްރިސް ނަމާދުކުރާ ފިލާވަޅެއް ނަގައިދީފައި އެފިލާވަޅެއް ރަނަގަޅަށް ފަހުމުވީ ކަމަށް ބެލެވޭނީ އެކުއްޖާގެ ޢަމަލުން ނަމާދުކުރާތަން ފެންނަކަމުގައި ވާނަމައެވެ. މިތިޔަރީގެ އަހުލުވެރިން މި ބުނާގޮތަކީ ތެދު ގޮތެކޭވެސް އަދި ދޮގުގޮތެކޭވެސް އަޅުގަނޑަކަށް ނުބުނެވޭނެއެވެ. އެއީ ހަޤީޤަތުގައި ޢިލްމެއް ލިބިފައިވާ މީހެއްނަމަ އެ ޢިލްމުގެ ބޭނުންކުރަން  ޖެހޭނެއެވެ. ނަމަވެސް ބައެއްފަހަރު މީހާގެ ޖާހިލު ކަމުން ނަމަވެސް އެ ޢިލްމުގެ ބޭނުން ނުކުރާތަން އާދެއެވެ. ދެން ހަމައެއާއެކު މި ތިޔަރީގެ ބޭފުޅުން ދެކޭގޮތުގައި ކްލާހުގައި ކުދިންނަށް ތަޢުރީފް ކުރުމުގައިވެސް ވަކި މިންގަނޑެއް ބޭނުން ކުރަންޖެހެއެވެ. ދެން ހަމަ އެއާއެކު ކުދިންނަށް އަދަބު ދިނުމުގައިވެސް ވަކި މިންގަނޑެއް ގެންގުޅެން ޖެހެއެވެ. އެއީ އެކުދިންނަށް އަދަބު ދޭއިރު އެކުދިންނާއި އެކަށީގެންވާ އަދަބު ނޫން އަދަބުތައް ދެވިގެން ނުވާނެއެވެ. މިކމާއި ގުޅޭގޮތުން އަޅުގަނޑު ބުނެލަން ބޭނުންވަނީ މީ ވަރަށް ރަނަގަޅު ކަމެއްކަމުގައި އަޅުގަނޑު ދެކޭ ކަމެކެވެ. ހަމަ އެހެންމެ އަޅުގަނޑުގެ ކްލާހުގައިވެސް ކުދިންނަށް ތަޢުރީފްކޮށް އަދި އެކުދިންނަށް އަދަބު ދިނުމުގައި އެކުދިންނާއި އެކަށީގންވާ އަދަބު ދެވޭތޯ މަސައްކަތް ކުރަމެވެ.

ދެން މި ބަލައިލަނީ ކޮގްނެޓިވް ލާރނިން ތިޔަރީއަށެވެ. މި ތިޔަރީގެ އަހުލުވެރިން ޤަބޫލުކުރަނީ އުނގެނުމަކީ ތިމާގެ ވިސްނުމާއި ގުޅިފައިވާ ކަމެކެވެ. ހިއްސުތައް މެދުވެރިކޮށް ލިބޭ މަޢުލޫމާތު ފަހުމްކުރުމުގައި، ކުރިން އެނގިފައިވާ އެއްޗެއްގެ މައްޗަށް އަލުން ދެނެގަނެވޭ އެއްޗަކާއި ގުޅުވާލުމާއި، ހަނދާނަށް ގެނުވާ މަޢުލޫމާތު ސިކުނޑީގައި އަޅާކިއުމަކީ އުނގެނުން ކަމުގައި މި ބޭފުޅުން ދެކެއެވެ. މި ތިޔަރީގެ ބޭފުޅުން ޤަބޫލުކުރާ ގޮތުގައި ޢިލްމެއް ލިބުނުކަމުގައިވިޔަސް އެއާއި އެއްގޮތައް ޢަމަލު ކުރުމަކީ ކޮންމެހެން ބޭނުންތެރި ކަމެއް ނޫނެވެ. މި ތިޔަރީގެ އަލީގައި ކިޔަވައިދިނުމުގައި އަޅުގަނޑުގެ ފަލްސަފާއަކީ ފިލާވަޅުގެ މުހިންމު ޕޮއިންޓުތަކަށް އަލިއަޅުވާލައިގެން ކިޔަވައިދިނުމެވެ. ދެންހަމައެއާއެކު ފިލާވަޅުގެ މުހިންމު ޕޮއިންޓުތައް ދަރިވަރުންނަށް ބުނެދިނުމެވެ. ހަމައެހެންމެ ދަރިވަރުންނަށް ދިގު މުއްދަތަކަށް ފިލާވަޅު ހިތުގައި އަށަގަނެގެންދާނެ ގޮތްތަކަކަށް ކިޔަވައިދިނުމެވެ. މޯޓިވޭޝަން ލާރނިން ތިޔަރީ ބުނާ ގޮތުން ކުދިންގެ ސަމާލުކަން ލިބޭނެ ގޮތަށް ކިޔަވައިދިނުމަކީ ވަރަށް މުހިންމު ކަމެކެވެ.  އެގޮތުން ކުދިންގެ ސަމާލުކަން ހޯދުމަށްޓަކައި އަޅުގަނޑު ޤަބޫލުކުރާގޮތުގައި   ތަފާތު އެކްޓިވިޓީސްތައްވެސް ރާވާލެވިދާނެއެވެ. އެގޮތުން ޕްރައިމެރީ ގްރޭޑްތަކަށް ކިޔަވައިދެމުންދާއިރު ވީހާވެސް ގިނަ ތަފާތު ކުލަކުލަތައް ބޭނުން ކޮށްގެން ކިޔަވައިދޭ ކަމުގައިވާނަމަ މުދައްރިސައް ކުދިންގެ ސަމާލުކަން ހުއްޓިގެންދާނެކަން ކަށަވަރެވެ.

ކިޔެވުމަށް ފަހި މާހައުލެއް އުފެއްދުން

ކިޔެވުމަށް ފަހި މާހައުލެއްކަމުގައި އެންމެ ފުރަތަމަ ބެލެވޭނެ އެއްކަމަކީ އެ ކްލާހަކީ ސާފް ޠާހިރު ކިލާހެއް ކަމުގައި ވާނަމައެވެ. އެ ގޮތުން ކިޔަވައިދޭ ކްލާހެއް ސާފް ޠާހިރުކޮން ބެހެއްޓުމަކީ ވަރަށް މުހިންމު ކަމެކެވެ. ދެން ހަމައެއާއެކު އެ ކްލާހަކީ ހޫނުގަދަ ކްލާހާކަށް ވެއްޖެނަމަވެސް އެކުލާހަކީ އުނގެނުމަށް ފަހި މާހައުލެއް ކަމުގައި ނުބެލެވޭނެއެވެ. އެގޮތުން ދަރިވަރުންނަށް ސާފުވައި ލިބުމަކީ ވަރަށް ބޮޑަށްވެސް އެދެވިގެންވާ ކަމެކެވެ. ދެން ހަމަ އެއާއެކު ކްލާސް ތަރުތީބު ކުރެވިފައި ހުންނަ ގޮތްތަކުންވެސް ކުދިން ކިޔަވައިހިތް ޖެހޭތަން ފެނެއެވެ. އެހެން ކަމުން އެ ކުލާހެއްގެ މެނޭޖުކުރުން ރަނގަޅު ކުރުމަކީ ކިޔެވުމަށް ފަސޭހަވެގެންދާނެ ކަމެކެވެ. ދެން ހަމައެއާއެކު ކްލާހެއް ކަމުގައިވާނަމަ ކޮންމެސް ކަހަލަ އުސޫލުތަކާޢި ޤަވާއިދުތަކެއް ހުރުމަކީ ވަރަށް މުހިންމު ކަމެކެވެ. އެގޮތުން ހަފްތާތަކަށް ބަހައިލައިގެން ކްލާހުގައި ހުންނަ ބައެއް ކަންތައްތައް ދަރިވަރެއްގެ އަތް މައްޗަށްވެސް ދޫކޮށްލެވިދާނެއެވެ. އެއީ މިސާލެއްގެ ގޮތުން ބުނާކަމުގައިވާނަމަ ކްލާހުގެ މުނީޓަރުން ކަނޑައެޅުން މިކަހަލަ ކަންތައްތަކެވެ. ދެން ހަމަ އެއާއެކު އުނގެނުމަށް ފަހި މާހައުލަކަށް ހެދުމަށްޓަކައި މުދައްރިސް ކްލާހުގައި ހިންގާނެ ކަންތައްތައް ދަރިވަރުންނާއެކު މަޝްވަރާ ކުރުމަކީވެސް ވަރަށް މުހިންމު ކަމެއްކަމުގައި އަޅުގަނޑު ޤަބޫލުކުރަމެވެ. އޭރުން ދަރިވަރުންނާއި މުދައްރިސުންނާއި ދެމެދުގައި އޮންނަ ގުޅުންވެސް ރަނގަޅުވެގެންދާނެއެވެ.

މޯޓިވޭޝަން

މޯޓިވޭޝަން ނުވަތަ ޝައުޤުވެރިކަމަކީ ވަކިކަމެއް ނުވަތަ ލަނޑުދަނޑިއެއް ހާޞިލް ކުރުމަށްޓަކައި އެދިމާލަށް މީހާ އަމާޒުކުރުވާ އެކަމަށް ބާރު ފޯރުވާ އެކަން ޙާޞިލް ކުރުމަށް ތަފާތު ކަންތައްތަކެއް ކުރުވާ ބާރެވެ. އެހެން ގޮތަކަށް ބުނާނަމަ އެއީ ލަނޑުދަނޑިތައް ޙާޞިލް ކުރުމަށްޓަކައި މީހުންގެ ކިބައިން ފެންނަ އެކަމަށް އަމާޒުކުރުވަނިވި ސުލޫކުތަކެވެ. ޝައުޤުވެރިކަން ފާޅުވާގޮތާއި މީހުންގެ ކިބައިން އެކަން ހާމަވާ ގޮތްތަކާއި ބެހޭގޮތުން ތަފާތު ތިއަރިސްޓުންގެ ޚިޔާލު ތަފާތެވެ.

ބިހޭވިއަރިސްޓުންގެ ނަޒަރިއްޔާތާއި ޝައުޤުވެރިކަން

  ބީ. އެފް ސްކިނާރގެ ނަޒަރިއްޔާ

    ބިހޭވިއަރިސްޓުންގެ ނަޒަރިއްޔާގައި މީހުންގެ ކިބައިން ފެންނަ ޝައުޤުވެރިކަން ގުޅުވާލެވިފައިވަނީ ތަރުހީބު ދިނުމާއި ހިތްވަރު ދިނުމާއެވެ. މި ގޮތުން ބީ އެފް ސްކިނާރގެ ނަޒަރިއްޔާގައި ހާމަކޮށްފައިވާ ގޮތުގައި ކުދިންގެ ކިބައިން ފެންނަ ރަނގަޅު ސުލޫކުތަކަށް ހިތްވަރުދީ ހެދުމުން އެކަން ތަކުރާރު ކުރުމުގެ ޝައުޤުވެރިކަން އެކުދިންގެ ހިތުގަ އުފެދޭނެއެވެ. އަދި ހަމަ އެފަދައިން އެކުދިންގެ ޢަމަލުތަކަށް ތަރުހީބުދީ ހިތްވަރުދިން ކަންކަން ދެވަނަ ފަހަރަށް ތަކުރާރުކުރުމަށް ބާރު އަޅާނެއެވެ. މި ނަޒަރިއްޔާގައި ފާހަގަކޮށްފައިވާ " އޮޕަރަންޓް ކޮންޑިޝަނިން" ނުވަތަ ސުލޫކު ވަކިގޮތަކަށް ބަދަލުކުރުމަށް ބާރު އެޅުން ގުޅިފައިވަނީ އިސްވެދިޔަ ފަދަ ތަފާތު ހިތްހަމަޖެހޭ ކަންކަމާއި ގުޅިގެން ކުރެވިފައިވާ ތަޖުރިބާތަކާއި އަދި ހިތްހަމަނުޖެހޭ ކަންކަމާއި ގުޅިގެން ކުރެވިފައިވާ ތަޖުރިބާތަކުގެ މައްޗަށް ބިނާކޮށެވެ. މިކަން ސްކިނާރގެ ނަޒަރިއްޔާގައި ހާމަކޮށްފައިވަނީ ދަރިވަރަކު އަމިއްލައަށް ވަކި މާއްދާއަކާއި ގަޔާވުމާއި ނުވަތަ ގުޅިފައިވަނީ މިފަދަ ތަޖުރިބާތަކާއި ކަމުގައެވެ. މިސާލު ހިސާބުގެ ކްލާހަކަށް އެއްބަޔަކު ވަރަށް ގަޔާވެގެން ވަންނައިރު އަނެއްބަޔަކަށް އެއީ ޖަލަކަށް ދިއުންފަދަ ކަމެކޭ ހީވުމަކީ އެކަށީގެންވާ ކަމެކެވެ. ސްކިނާރ ހާމަކުރާ ގޮތުގަިއ މިފަދަ އިޙްސާސްތައް ގުޅިފައިވަނީ ކުރިން ކުރެވިފައިވާ ތަޖުރިބާ ތަކުގެ މައްޗަށެވެ. ހިސާބު ކުލާހާ ގަޔާވާ ދަރިވަރުގެ ސުލޫކު ގުޅިފައިވާނީ ކުރިން ކުރެވިފައިވާ ހިތްހަމަޖެހޭ އެތައް ގިނަ އިޙްސާސްތަކާއެވެ. ހަމަ މި ބީދައިން އެކުލާހުގައި ގަޔާނުވާ ދަރިވަރުގެ ސުލޫކާއި އިހްސާސްތައްވެސް ގުޅިފައިވާ ކުރިން ކުރެވިފައިވާ އުނދަގޫ ހިތްހަމަނުޖެހޭ ތަޖުރިބާތަކާއެވެ.

  މީގެ އިތުރުން ތަރުހީބު ދިނުމުގެ ގޮތުން ތަފާތު އިނާމުތައް ދީގެން ދަރިވަރުންގެ ޝައުޤުވެރިކން ކުލާސްރޫމްގައާއި އަދި ކިޔެވުމުގެ ތަފާތު މައިދާނުތަކުގައި އިތުރު ކުރެވިދާނެކަމަށް މިތިޔަރީ ހެކި ދެއެވެ. މިގޮތުން އިނާމު ދިނުމުގައި ވިސްނާލަންޖެހޭ ކަންތަައްތަކެް ފާހަގަކޮށްލާނަމެވ.

1              އިނާމު ދޭން ޖެހޭނީ އަމިއްލައަށް ކުދިން ޝައުޤުވެރިނުވާ ގަޔާނުވާ ކަންކަމަށެވެ.

2               އިނާމު ކަނޑައެޅި ކަންތައް ފުރިހަމަކުރާ މިންވަރަށް ބަލާފައި ދިނުން މާނައަކީ ހަމައެކަނި ބައިވެރިވީތީވެ އިނާމުދިނުން ރަނގަޅެއް ނޫނެވެ.

3              އިނާމު ދިނުމަކީ ދަރިވަރުންނާއި ގުޅުން ރަނަގަޅު ކުރުމަށާއި ކުރާ މަސައްކަތްތައް ފުރިހަމަކުރުމަށް ބާރުއަޅައިދޭ ފަދަ ގޮތަކަށް ދެވޭ އެއްޗަކަށްވުން

އެސެސްމެންޓު އެންޑު އިވެލުއޭޝަން

ކިޔަވައިދިނުމަކީ މުހިންމު ކަމަކަށްވާއިރު އަދި ހަމައެހެންމެ ކިޔަވައިދިނުމަކީ ދެދުނިޔޭގައިވެސް ފަލާޙާ ކާމިޔާބު ލިބޭނެ ކަމެއްކަމުގައި ވާއިރު އެ ކިޔަވައިދެވުނު އެއްޗެއް ދަރިވަރުންނަށް ފަހުމްވީ މިންވަރެއް ދެނެގަތުމަކީ މުދައްރިސުން ކޮންމެހެއްވެސް ކުރަންޖެހޭ ކަމެކެވެ. އެހެންކަމުން މުދައްރިސުން ކުދިންނަށް ފަހުމުވީ މިންވަރެއް ދެނެގަތުމަށްޓައި އިމްތިހާނާއި ވަޒަންކުރެއެވެ. މިގޮތުން ދެން މި ބަލައިލަނީ އިމްތިހާނު ކުރުމާއި ވަޒަންކުރުން މި ދެކަމުގައިވާ ތަފާތަށެވެ.

އިމްތިހާނުކުރުން -         ދަރިވަރުގެ ފެންވަރާ ގުޅޭގޮތުން ހޯދާ ހޯދުން -         ހޯދައި މަޢުލޫމާތު -         ދަރިވަރުންގެ މޮޅުދެރަ ކަނޑައަޅާެއެއްޗެއް މިސާލު / ޓާރމް ޓެސްޓު / ކޮންޓިނިއު އެސިސްމެންޓު/ ޔުނިޓު ޓެސްޓު

ވަޒަންކުރުން ހޯދައި މަޢުލޫމާތައް ގޮތެއް ކަނޑައެޅުން -         ނިންމާ ނިންމުން -         ދަރިވަރުންގެ ފެންވަރު ބެލުން މިސާލަކަށް ސުވާލުކުރުން/ ވޯރކް ޝީޓްހެދުން/ އެސައިމަންޓުހެދުން/ ޕޯރޓްފޯލިއޯ ގްރޫޕް މަސައްކަތް

އިމްތިހާނު ކުރުމުގެ ގޮތްތަށް

1 ޑައިގްނޯސްޓިކް

 މިއީ އިތުރު ކިޔަވައިދިނުމަކާ ނުލައި ދެވޭ ޓެސްޓު މިސާލަކަށް ސްކޫލުތަކަށް ވެއްދުމަށްޓަކައި ކުރެވޭ އިމްތިހާނު

2  ފޯރމަޓިވް

 މިއީ ކިޔަވައިދިނުމަށްފަހު ކުރާ ޓެސްޓު މިސާލަކަށް ސްކޫލްތަކުގައި ބާއްވާ ޓެސްޓު/ ކުލާހުގައި ކޮންމެ ދުވަހަކު ކުރާ ކަންތައްތައް

3 ސަމޭޓިވް

-         ދަރިވަރުން ހާސިލްވާ މިންވަރު ބެލުން ނުވަތަ އޮބްޖެކްޓިވް ހާސިލްވިތޯ ބެލުން

-         އަހަރަކަށް ނުވަތަ ޓާރމަކަށް ކަނޑައެޅި އޮބްޖެކްޓިވް ހާސިލްވޭތޯ ބެލުން

-          ތަޢުލީމީ އިދާރާއަށް ރަނގަޅުކުރަންޖެހޭ ކަންކަމާއި މަޢުލޫމާތު އެނގުން

ބިހޭވިއަރަލް ލާރނިން ތިއަރީ

ބިހޭވިއަރިސްޓުން ނުވަތަ ސުލޫކީ ޢިލްމުވެރިންގެ ނަޒަރިއްޔާތުގައި ހާމަކުރާގޮތުގައި ދަރިވަރުންނަށް އުނގަންނައި ދިިނުމުގައި މިތިޔަރީގެ މުހިންމުކަން ވަރަށް ބޮޑެވެ. ބިހޭވިއަރަލް  ލާރނިން ތިއަރީ މާނަކުރާ ގޮތުގައި އުނގެނުމަކީ މާހައުލުން އުނގެނޭ ފަރާތަށް ކުރުވާ އަސަރެއްގެ ނަތީޖާގެ ސަބަބުން ބޭރުފުށުން ހާމަވެ ފާޅުވާ ދާއިމީ ބަދަލެކެވެ. މިހެންކަމުން މި ތިޔަރީގައި ފާހގަކުރެވޭ ގޮތުގައި އިންސާނުންގެ ސުލޫކު ނުވަތަ ބިހޭވިއަރ ގުޅިފައިވަނީ އޭނާގެ މާހައުލުގައި ކުރާ ތަޖުރިބާތަކާއި ޙިއްސާކުރާ ޙިއްސާކުރުންތަކާއެވެ. ހަމަ މިފަދައިން ބިހޭވިއަރިސްޓުން ( ބިހޭވިއަރަލް ތިޔަރީގެ ސަޕޯޓަރުން ) ހާމަކުރާ ގޮތުގައި އުނގެނުމަކީ އެތެރެ ހަށީގައި ހިނގާ ކަމެއްނަމަވެސް އެކަން ހިނގައިފިކަން އަންގައިދެނީ އެފަރާތުން ފާޅުވާ ބޭރުފުށުގެ ޢަމަލަކުން ނުވަތަ ސުލޫކަކުންނެވެ.

ތިޔަރީގެ މައިގަނޑު ކޮންސެޕްޓު

ބިހޭވިއަރިސްޓު ލާރނިން ތިޔަރީގެ ޢިލްމުވެރިން ޤަބޫލުކުރާ ގޮތުގައި އެމީހަކަށް ޢިލްމެއް ލިބިފައިވާ ކަމަށް ޤަބޫލުކުރެވޭނީ އޭނަގެ ޢަމަލުން އެކަން ފެނިގެން ކަމަށެވެ. އެއީ މިސާލަކަށް ނަމާދުގެ ފިލާވަޅެއް އެމީހަކަށް ފަހުމްވެފައިވާނަމަ އޭނަގެ ޢަމަލުން ނަމާދު ކުރާތަން ފެންނަން ޖެހޭނެއެވެ.

މި ތިޔަރީގައި މައިގަނޑު ކޮންސެޕްޓު ގުޅިފައިވަނީ ތަފާތު ތިން ލަފުޒަކާއެވެ. އެއީ ސްޓިމިލައި، ބިހޭވިއަރ، ރެސްޕޯންސް މި ތިން ލަފްޒެވެ. އިސްވެދިޔަ ކޮންމެ ލަފްޒެއް މިސާލާއެކު ދޭހަކުރާނަމަ ބުނެވޭނީ އެއީ އުނގެނޭ ފަރާތުގެ ( ބިހޭވިއަރއަށް) އޭނާ އުޅޭ މާހައުލުން ކުރެވޭ އަސަރެއް ނުވަތަ ބާރުފޯރުވާ ކަމެއް ( ސްޓިމިލައި) އަދި އެކަމުގެ ސަބަބުން ސުލޫކަށް ނުވަތަ ވިސްނުމަށް އަދި ބިހޭވިއަރއަށް ކުރުވާ އަސަރާއެކު ފާޅުވެ ހާމަވާ ކަމެކެވެ. ( ރެސްޕޯންސް) މިސާލަކަށް މީހަކު ނަމުން ގޮވާލުމުން އެނަމަކީ އެފަރާތުގެ ނަަންނަމަ ވަގުތުން އެނބުރިލާ އެއަށް އިޖާބަދޭ ދިނުން އެއީ އޭނާއަށް މާހައުލުން ކުރެވި އަސަރެއް ނުވަތަ ހިނގި ކަމެއްގެ ސަބަބުންް އޭނާގެ ފަރާތުން ހާމަވި ސުލޫކެއް ކަމަށް ބެލިދާނެއެވެ. މިހެން ކަމުން މިތިޔަރީގެ އަލީގައި  އުނގެނުން ކަމަށް ބެލެނީ  އެއްފަހަރާ ސްޓިމިއުލައި އަކާއެކު ބޭރުފުށުން ހާމަވާ ރެސްޕޯންސް ނުވަތަ ކަމެއް އުނގެނޭފަރާތުން ހާމަވުމުންނެވެ.

ޝޯޝަލް ކޮގްނެޓިވް ތިޔަރީ

ޝޯޝަލް ކޮގްނެޓިވް ތިޔަރީ

      އުނގެނުމަކީ މާހައުލުން ގެންދެވޭ މަޢުލޫމާތު ސިކުނޑީގައި ބަދަލުކޮށް އެކަމާއި ގުޅޭގޮތުން އުފައްދާ އަސަރަކުން ސުލޫކު ވަކި ގޮތަކަށް ބަދަލުވުމެވެ. ( ބަންދޫރާ 1986) މި ތިޔަރީގައި ބަންދޫރާ ފާހަގަކުރާ މައިގަނޑު ކޮންސެޕްޓަކީ " ރެސިޕްރޯކަލް އިންފުލުއެންސް" ނުވަތަ ގުޅިލާ މެހިފައިވާ ގުޅުން' މިއެވެ. އެކޮންސެޕްޓު ބަންދޫރާ ތަފްޞީލު ކުރަމުން ފާހަގަކުރާ ގޮތުގައި މިގުޅުމުގައި މައިގަނޑު 3 ބައެއް ހިމެނެއެވެ. މިއިން ކޮންމެ ބައެއް އެއްކަމެއް އަނެއް ކަމަކަށް އަސަރު ކުރުވައެވެ.

 

މާހައުލުން ފެންނަ ކަމެއް އެމީހެއްގެ ވިސްނުމުން އެކަމެއް ކުރުމަށް ބޭނުންވުމާއި ގަޔާވުމާއި ކުރެވުމުގެ ކުޅަދާނަކަން ހުރުމާއި، އޭނާގެ ދީނާއި ޢަޤީދާއާ ޤަބޫލުކުރާ ކަންތައްތައް އެކަމާ ތަޢާރުޟު ނުވާނަމަ ކުރާހިތްވުމާއި މިހުރިހާ ކަމެއްގެ ތެރެއިން އެކަމެއް އޭނާ ކުރުން

އެހެންމީހުންގެ ފުށުން އުގެނުން ( ވިކޭރިއަސް ލަރނިންގް)

މިއީ އެހެންމީހުންގެ ތަޖުރިބާއިން ދަސްކުރުން/ އުނގެނުމެވެ. ޢާއްމުކޮށް މިގޮތަށް އުނގެނެވެނީ އެހެންމީހުންނަށް ދިމާވާ ކަންކަމުގެ ނަތީޖާއަށް ބަލައިގެން އޭނާގެ ސުލޫކު ވަކިގޮތަކަށް ބަދަލުކުރުމުންނެވެ. މިގޮތުން ވިކޭރިއަސްކޮން އުނގެނޭއިރު ބައެއްފަހަރު ވަކިކަހަލަ ކަމަކުން ދުރުވާ ފަދަ ކަމެއް ދިމާވުން ކިއަނީ ވިކޭރިއަސްކޮން ޕަނިޝްވުމެވެ. އަދި ވަކި ކަމެއް ކުރާހިތްކުރުވުން ނުވަތަ ކުރުން އިތުރުވާ ގޮތްވާނަމަ ކިޔާނީ ވިކޭރިއަސް ރިއިންފޯސްމަންޓެވެ.

    މިސާލަކަށް ޝަހީދާމެން ގްރޫޕްގެ މަސައްކަތް ޝަހީދާ ހުށައެޅިއިރު އިސްމާޢީލް އިނީ ބަލާށެވެ. ޝަހީދާގެ ހުށައެޅުމަށް މުދައްރިސް ވަރަށް ތަރުހީބުދީ ހެދިއެވެ. އެހެން ކަމުން އެގޮތަށް އިސްމާޢީލްވެސް ހުށައެޅުމަށް މަސައްކަތް ކުރިއެވެ.( ވިކޭރިއަސް ރިއިންފޯރސްމަންޓް) ޝަހީމާ ފެންކުލައިން ކުރަހަން އުޅެނިކޮން ކުރަހާ ފޮތުގެ މައްޗަށް ކައިރީގައި އިން ފެންއަޅާ ތަށި ބަންޑުންވުމުން ޝަހީމާގެ ކައިރީގައިއިން އަޝްރަފް ފެންއަޅާ ތަށި ކުރަހާފޮތާއި ދުރުކޮށްލާ އަލުން ކުރަހަން ފެށިއެވެ. ( ވިކޭރިއަސް ޕަނިޝްމަންޓު)

ޝޯޝަލް ކޮގްނެޓިވް ތިއަރީގައި ޓްރާންސްފާރ ކުރެވޭ ގޮތް

 މި ތިޔަރީގައި މަޢުލޫމާތު ތަފާތު ޙާލަތްތަކުގައި ބޭނުން ކުރުމަށް ދަރިވަރުންނަށް އެހީތެރި ވެދެވިދާނެ ގޮތްތަށް ކަނޑަޅާފައިވަނީ މައިގަނޑު ގޮތެއްގައި 3 ޕްރިންސިޕަލެއްގެ އަލީގައެވެ.

  1 ދަރިވަރު މުހިންމު މަޢުލޫމާތާއި ސުލޫކު ލިބިގަންނަނީ ފެންނަ ތަފާތު ނަމޫނާ މެދުވެރިކޮށްގެންނާއި އެކަމުގައި ކުރެވޭ ތަޖުރިބާ ތަކުގެ ތެރެއިންނެވެ.

2 ދަރިވަރު އަމިއްލަ ނަފްސާމެދު ޤަބޫލުކުރާ ކުރުންތައް އެއީ އުނގެނުމަށާއި ސުލޫކަށް މަގުދައްކައިދޭނެ އެއްޗެކެވެ.

3  ދަރިވަރުގެ އުނގެނުމުގައި އަމިއްލަ ދައުރެއް އަދާކުރުމުގެ ފުރިހަމަ ޤާބިލުކަން ދަރިވަރަށް ލިބިގެންވެއެވެ.